Teywen hökümiti "Mongghul-tibet komitéti" ni tarqitiwetmekchi

Muxbirimiz eziz
2017-11-28
Élxet
Pikir
Share
Print

Tibet sergerdan hökümitining tor bétidiki melumatlargha qarighanda, sey yingwén teywende hakimiyet béshigha chiqqandin buyanqi "Xitaylishishni tügitish" herikitining bir qedimi süpitide 28-noyabir buyruqqa imza qoyup, bu yilning axirida "Mongghul-tibet komitéti" ni tarqitiwétishni testiqlighan.

Teywendiki hakimiyet yürgüzüwatqan démokratik tereqqiyat partiyesidin bolghan palata ezasi li chünyi bu heqte söz qilip, "Ishlar hazir özgerdi. Shunga chong quruqluqtiki mongghul we tibetlerge da'ir ishlarni bir yaqliq qilidighan bu komitétqa hazir éhtiyaj yoq" dégen. Xitayning "Wangyi" toridiki xewerlerde éytilishiche, bu komitétni bikar qilish heqqidiki teklipler ilgirimu otturigha chiqqan bolsimu emeliyleshmigen iken. Emdilikte bolsa "Teywen bilen xitay oxshash bir dölet" dégen qarashqa jan-jehli bilen qarshi bolghan sey yingwén teywenning xitay döliti emeslikini körsitishning bir qedimi sheklide bu komitétni bikar qilish qararini alghan.

Tibet sergerdan hökümitining re'isi doktor lobsang sanggay teywen hökümitining bu qararini qizghin qarshi alidighanliqini bildürgen. 

Alaqidar matériyallardin melum bolushiche, gomindang hökümiti 1928-yili "Mongghul-tibet komitéti" ni tesis qilip, mongghullar we tibetlerge da'ir siyasiy we iqtisadiy ishlarni bir yaqliq qilip kelgen. Eyni waqitta gomindang hökümitining ishghalidiki "Shinjang ölkisi" ning re'isi wu jongshin bu komitétning mudirliqini ötigen. 1949-Yili gomindang hökümiti chong quruqluqtin teywen'ge chékin'gendin kéyin mezkur komitétmu teywen'ge yötkelgen. Emma shuningdin buyan öz rolini jari qildurushtin qélip qalghan iken.

Toluq bet