Тәйвән парламентини қоршивалған намайишчилар билән сақчилар арисида тоқунуш йүз бәрди


2014-03-24
Share


Бир һәптидин буян тәйвән парламент бинасини қоршивалған намайишчилар билән сақчилар арисидики сүркилиш кәскинлишип йәкшәнбә күни кәчтә икки тәрәп арисида тоқунуш йүз бәргән.

Франсийә ахбарат агентлиқиниң хәвәр қилишичә, тоқунушта җәмий 110 киши яриланған болуп, буниң йерими дегидәк сақчилар икән. Хәвәрдә баян қилинишичә, асасән оқуғучилардин тәшкилләнгән намайишчилар тәйвән һөкүмитидин хитай тәрәп билән бултур 6 - айда түзгән сода тахтамини бикар қилишни тәләп қилмақта. Тәйвән президенти ма йиңҗу шәнбә күни бу тәләпни рәт қилип ипадә билдүргәндин кейин, намайишчилар һөкүмәт бинасиғиму бесип киргән, бу җәрянда бир қисим сим тосақларни бузуп ташлиған вә бәзи ишик деризиләрни чаққан. Бу чағда тәйвән сақчилири икки су пүркүш машинисини ишқа селип топланған намайишчиларни тарқақлаштурған, бу җәрянда бәзи намайишчилар сақчиларниң қолидики калтәкләргә есилған вә оттурида тоқунуш кәскинләшкән.

Мәлум болушичә, намайишчилар нөвәттики тәйвән һөкүмитиниң хитай билән йеқинлишиш арқилиқ тәйвәндә тәстә қолға кәлгән демокиратийәниң қолдин кетип қелиши вә тәйвән мустәқиллиқиғә хәвп - хәтәр йетишидин әндишә қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт