Teywen parlaméntini qorshiwalghan namayishchilar bilen saqchilar arisida toqunush yüz berdi

2014-03-24
Élxet
Pikir
Share
Print


Bir heptidin buyan teywen parlamént binasini qorshiwalghan namayishchilar bilen saqchilar arisidiki sürkilish keskinliship yekshenbe küni kechte ikki terep arisida toqunush yüz bergen.

Fransiye axbarat agéntliqining xewer qilishiche, toqunushta jem'iy 110 kishi yarilan'ghan bolup, buning yérimi dégidek saqchilar iken. Xewerde bayan qilinishiche, asasen oqughuchilardin teshkillen'gen namayishchilar teywen hökümitidin xitay terep bilen bultur 6 - ayda tüzgen soda taxtamini bikar qilishni telep qilmaqta. Teywen prézidénti ma yingju shenbe küni bu telepni ret qilip ipade bildürgendin kéyin, namayishchilar hökümet binasighimu bésip kirgen, bu jeryanda bir qisim sim tosaqlarni buzup tashlighan we bezi ishik dérizilerni chaqqan. Bu chaghda teywen saqchiliri ikki su pürküsh mashinisini ishqa sélip toplan'ghan namayishchilarni tarqaqlashturghan, bu jeryanda bezi namayishchilar saqchilarning qolidiki kalteklerge ésilghan we otturida toqunush keskinleshken.

Melum bolushiche, namayishchilar nöwettiki teywen hökümitining xitay bilen yéqinlishish arqiliq teywende teste qolgha kelgen démokiratiyening qoldin kétip qélishi we teywen musteqilliqighe xewp - xeter yétishidin endishe qilmaqta.

Toluq bet