"Teywen xewerliri" géziti: "Xitay bésiwalsa teywenliklerdinmu 'térrorluq' ni wasite qilidighanlar chiqip qélishi mumkin"

Muxbirimiz shöhret hoshur
2018-07-26
Élxet
Pikir
Share
Print

"Teywen xewerliri" géziti bügün teywen xelqini Uyghur weziyitidin ibret élish heqqide bir parche maqale élan qilghan. Maqalida Uyghur rayonida yéqinqi yillarda yüz bergen ayallarning yopkisini késish, erlerning saqilini chüshürüwétish qatarliq zorawan tedbirlerning eger teywen xelqi hoshyar bolmisa kelgüside ularningmu béshigha kélish éhtimalliqi barliqi körsitilgen.

Uyghur rayonining yéqinqi 10 yilliq weziyitidin pakitlar körsitilgen xewerde xitay kompartiyisining teywenni yutuwélish üchün ashkara halda chishini bilep turuwatqanliqini, shunga bügün Uyghurlarning béshigha kéliwatqan künning ete teywenliklerning béshigha kélishining muqerrer bir aqiwet ikenlikini otturigha qoyghan.

Teywenliklerning köpinchisining Uyghurlargha oxshashla özini xitay dep hésablimaydighanliqi we xitay kompartiyesidin nepretlinidighanliqi tilgha élin'ghan mezkur xewerde eger bir künler kélip xitay teywenni bésiwalsa, teywendimu xitaygha qarshi ammiwi heriketlerning bolidighanliqi, bu heriket qilghuchilar arisida partizanliq urushini tallaydighan, hetta "Térrorluq" usulini qollinidighanlarningmu chiqish éhtimali barliqi ilgiri sürülgen. Mana bundaq chaghda xitay hökümitining "Térrorizmgha qarshi turush" bahanisi we "Siyasiy terbiye" chaqiriqi bilen yighiwélish lagérlirini tesis qilidighanliqi, shunga Uyghur rayonida bügün boluwatqan ishlarni dunyagha eng bashta ashkarilashqa tégishlik hökümetning choqum teywen hökümiti bolushi kéreklikini ilgiri sürgen.

Toluq bet