Тәйвән даирилири хитай белиқчилирини тутқун қилди

Мухбиримиз үмидвар
2016-03-28
Елхәт
Пикир
Share
Принт


Тәйвән даирилири пратас тақим араллири, йәни хитай тәрипидин доңша тақим араллири дәп атиливатқан аралларға йеқин деңизда бир данә хитай белиқчи парахотидики 41 нәпәр белиқчини тутқун қилған.

Б б с агентлиқиниң хәвәр қилишичә, тәйвән мәтбуатлири мәзкур хитай белиқчилириниң тәйвәнниң башқурушидики пратас тақим араллири районидики деңиздин йешил деңиз ташпақиси тутқанлиқи вә марҗан сүзгәнликини әйиблигән.Шу сәвәбтин тәйвән деңиз - окян чарлаш вә мудапиә көрүш идариси мәзкур парахотни вә парахоттики кишиләрни тәкшүрүш үчүн гавшоңға елип кәткән.

Мәзкур хитай пуқралири 3 - айниң 23 - күни тутқун қилинған икән.

Тәйвән деңиз чарлаш - мудапиә көрүш даирилири хитай белиқчи пархотидин 15 тонна марҗан, һәр түрлүк сәдәптин 400 килограм, йешил деңиз ташпақисидин 3, вә башқа буюмларни қолға чүшүргән.

Тәйвән тәрәп чоң қуруқлуқ белиқчи парахотлириниң чеградин өтүш қилмишлириниң көпийип, бузғунчилиқ кәлтүрүп чиқириватқанлиқини илгири сүргән.

Җәнубий деңиздики пратас, йәни хитай тәрипидин доңша тақим араллири дәп атилидиған тақим араллар хитайниң хәйнән өлкиси билән тәйвәнниң ғәрбий җәнуби арисида болуп, бу аралларға тәйвән һөкүмити игидарчилиқ қилип кәлмәктә.

У қетимқи 41 нәпәр хитай белиқчисиниң тәйвән игидарчилиқидики деңиз тәвәликигә киргәнлики 1989 - йилидин буян мәзкур районда йүз бәргән түнни чоң вәқә һесаблинидикән.

Пикирләр (0)
Share
Толуқ бәт