Teywen bir xitay jasusini jazalidi

Muxbirimiz jüme
2017-09-16
Élxet
Pikir
Share
Print

Jüme küni teywen soti teywen dölet mexpiyetlikini sétiwélishqa urun'ghan bir xitay jasusini 14 ayliq qamaq jazasigha buyrudi.

Teywen merkiziy agéntliqining xewer qilishiche, ju xongshü isimlik bu xitay puqrasi teywen tashqi ishlar ministirliqidiki bir hökümet xadimigha para bérip uningdin mexpiy uchurlarni istigen.


Bu yil 29 yashqa kirgen ju xongshü esli lyawningliq bolup, jéjyang uniwérsitétini püttürgen. 

U, 2012-yilidin 2016-yilighiche teywendiki dangliq chéngchi döletlik uniwérsitétida karxana bashqurush kespide oqughan we oqushni tamamlighandin kéyin xitaygha qaytip ketken. Emma u, bu yil féwralda meblegh sélish meqsitide teywen'ge qayta kelgen iken.

Xewerge qarighanda, da'iriler esli bu xitay puqrasigha 5 yilliq késim tewsiye qilghan bolsimu, sot da'iriliri uning mexpiy uchurlarni élishta netije qazinalmighanliqini közde tutup uninggha 14 ayliq qamaq jazasi bergen.

Melum bolushiche, ju yéqinlashqan teywen emeldari desleptila ishning tepsilatini derhal hökümetning munasiwetlik tarmaqlirigha melum qilghan iken.

Xewerge qarighanda, ju, bu emeldargha bergen mexpiy uchur bedilige her 3 ayda 10 ming dollar bérishni wede qilghan.

Ju bu yil marttin buyan tutup turuluwatqan bolup, emma xewerde uning qachan we qeyerde yuqirida éytilghan hökümet xadimigha yéqinlashqanliqi tilgha élinmighan.

1949-Yili xitay kommunistliri hakimiyet béshigha chiqqandin béri, teywen-xitay arisida biwasite alaqe üzülgen. 

Halbuki, xitay da'iriliri teywen'ge öz jasuslirini ewetishni toxtatmighan.

Melum bolushiche, teywen herbiy sahesi xitay jasusluq organlirining da'imliq nishani iken.

2015-Yili 4 neper pénsiyige chiqqan teywen herbiy emeldarini öz ichide alghan 5 neper teywen puqrasi xitaygha jasusluq qilish jinayiti bilen eyiblengen.

Bular bir xitay armiyisi ofitsérigha teywenning radar sistémisi we zamaniwi küreshchi ayropilanlirining mexpiyetlikini yetküzgen iken.

Toluq bet