Teywen prézidént sariyining qoghdighuchisi bir xitayning hujumigha uchrap yarilandi

Muxbirimiz erkin
2017-08-18
Élxet
Pikir
Share
Print

Jüme küni, teywen prézidéntliq sariyini qoghdaydighan nöwetchi esker samuray qilichi we xitayning dölet bayriqini kötürüwalghan bir xitayning hujumigha uchrap yarilan'ghan. Birleshme agéntliqining xewer qilishiche teywen hökümiti mezkur weqeni siyasiy gherezlik hujum, dep körsetken.

Xewerlerde, hujumchining 51 yashlardiki lu famililik kishi ikenliki, uning prézidént sariyini qoghdawatqan bashqa eskerler teripidin derhal boysundurulup, binagha kirishining aldi élin'ghanliqini bildürgen. 

Teywen merkizi axbarat agéntliqining xewiride bildürüshiche, lu famililik samuray qilichini shu etraptiki bir teywen herbiy moziyidin oghrilap chiqqan.

Weqe yüz bergen chaghda prézidént sey yingwénning ishxanisida yaki emesliki melum emes.Teywen merkizi agéntliqi teywen hökümet emeldarlirining sözini neqil keltürüp bergen xewiride qeyt qilishiche, lu famililikning somkisidin kommunistik xitayning dölet bayriqi chiqqan. U, saqchilargha bergen ipadiside, özining bu hujum arqiliq "Siyasiy meydanini namayan qilghanliqi" ni bildürgen.

Béyjing hökümiti hazirgha qeder mezkur weqege héchqandaq inkas bildürmidi. 

Bu qétim teywen prézidént sariyining hujumgha uchrash weqesi prézidént sey yingwén teywenning xitay zémini ikenlikini étirap qilishni ret qilip, xitay-teywen munasiwiti jiddiy ehwalda turuwatqan mezgilde yüz berdi.

Toluq bet