Amérika Uyghur birleshmisi taylandni Uyghurlarni xitaygha qayturup bermeslikke chaqirdi

Muxbirimiz jüme
2014-03-15
Élxet
Pikir
Share
Print

Uyghur ikenliki ilgiri sürülgen bir qisim musapirlarning tayland saqchilirining qoligha chüshüp qalghanliqi xewer qilin'ghandin kéyin, amérika Uyghur birleshmisi tayland da'irilirini bu Uyghurlarni xitaygha qayturup bermeslikke chaqirdi.

Bayanatta mundaq déyildi: amérika Uyghur birleshmisi jenubiy taylandning xat ya'y rayonida tutup turuluwatqan 200din artuq Uyghur musapirning teqdiridin qattiq endishe qiliwatidu. Biz tayland hökümitini bu Uyghurlarni xitaygha qayturup bermey ularning hayati bixeterlikini kapaletlik qilip, ularning b d t musapirlar ishxanisi xadimliri bilen körüshishige yol bérishke chaqirimiz.

Teshkilat yene, amérika we yawropa birliki da'irilirinimu mezkur mesilige yéqindin köngül bölüshke chaqirdi.

Tayland saqchiliri peyshenbe küni özlirini türk dep atighan 230 neper musapirni tutup turuwatqanliqini xewer qilin'ghan.

Amérika Uyghur jem'iyiti bu heqte toxtilip: bu kishilerning özlirini türk, dep xitay puqrasi ikenlikini inkar qilishining özila ularning xitaygha qayturup bérilishtin qattiq qorqidighanliqini körsitidu, dégen.

Mezkur dölet teweliki éniq bolmighan bu musapirlarning mesilisi nöwette dunya axbaratidiki qiziq nuqtigha aylandi.

Toluq bet