Tyenjindiki partlashta ölgenlerning sani 150ke yetti

Muxbirimiz ümidwar
2015-08-30
Share


Tyenjin da'iriliri 12 - awghust küni yüz bergen partlashta ölgenlerning 150 ke yetkenlikini, 23 ademning hazirghiche iz - dériki yoqluqini bildürdi.

Tyenjin sheherlik xelq hökümitining melumatida körsitilishiche, ölgen 150 ademning ichide tyenjin portidiki ottin mudapi'e körüsh etritining 69 adimi, jama'et xewpsizlik idarisining ottin mudapi'e körüsh etritining 23 adimi bar iken. Bulardin bashqa yene 10 neper xelq saqchisi bar iken.

Hazir doxturxanida 360 nechche adem dawalanmaqta iken. Emma, tyenjindiki partlashta ölgenlerning heqiqiy sani heqqide ammiwi uchur taratqulirida hökümet melumatidin nechche hesse artuq reqemler mewjut bolup, hökümet bir qisim tor betlerni ösek uchur tarqitish bilen taqiwetken iken.

B b s agéntliqining xewirige qarighanda, tyenjindiki partlash weqesidin kéyin xitayning her qaysi öllikliride zawut - fabrikilarni köchürüsh we özgertish heqqide türlük inkaslar otturigha chiqiwatqan bolup, memliket boyiche 1000 din artuq ximiye sana'iti ornining köchürülüp, özgertip qurulushi kérek iken. Peqet bularni köchürüsh chiqimi üchünla 400 milyard yu'en kétishi mumkin iken, bundaq uchurni xitay sana'et we uchur ministirliki otturigha chiqarghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet