Xitayning siyasitige naraziliq bildürgen yene bir tibetlik özini köydürdi

Muxbirimiz méhriban
2014-12-23
Share

22-Dékabir yüz bergen tibetlik ayalning özini köydürüp naraziliq bildürüsh weqesidin kéyin,23-dékabir xitayning sichüen ölkisidiki tibetler topliship olturaqlashqan rayonda yene bir tibetlik özini köydürüp, xitayning tibet siyasitige naraziliq bildürdi.

Radi'omiz tibet bölümining igilishiche, özini köydürüsh weqesi sichüenning genzi oblasti tawu nahiyisidiki saqchixana yénida yüz bergen. Özini köydürgüchi shu nahiyidiki nila munastirining rahipi gensang yishi bolup, u özige ot qoyushtin ilgiri "Hökümet tibet rohaniy dahiysi dalay lamaning tibetke qaytishigha ruxset qilsun!" dep sho'ar towlighan. Emma bu qétim özini köydürgen tibet rahibining ölgen yaki tirikliki hazirche éniq emes.

Düshenbe küni sichüenning abiy tibet oblastida mérma isimlik 19 yashliq bir tibetlik ayalning özini köydürüp ölüsh weqesi yüz bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.