Чеңдудики сиясий кеңәш йиғинида тибәт вәкил тибәт пәрзәнтлири үчүн ана тил маарипини тәләп қилған

Мухбиримиз шөһрәт һошур
2017-01-20
Елхәт
Пикир
Share
Принт

Мушу айниң бишида чеңдуда ечилған сичүән өлкилик сиясий кеңәш йиғинида бир тибәт вәкили чеңдуда яшаватқан тибәт пәрзәнтлириниң чеңдуда ана тилда тәрбийә көрүш имканийити йоқ болуш мәсилисини оттуриға қойған вә тибәт һәм хитай тилидин ибарәт қош тилда тәлим елип берилишини тәләп қилған. Радийомизниң бүгүнки бу һәқтики ингилизчә хәвиридә баян қилишичә, мәзкур тәклип сичүән өлкилик сиясий кеңәш әзаси, сичүән пидагогика университетиниң профессори долқар кийи тәрипидин оттуриға қоюлған. Хәвәрдә дейилишичә, чеңду йеқинқи йиллардики иқтисадий тәрәққияти сәвәблик көплигән тибәтликләрни өзигә җәлип қилған, әмма чеңдуға олтурақлашқан тибәтликләр пәрзәнтлирини ана тилда тәрбийәләш үчүн тибәт нопуси көп болған наһийә вә йезиларға йоллашқа мәҗбур болған. Ушбу хәвәрдин мәлум болған тибәт вәкилниң сиясий кеңәштә миллий бир мәсилисни оттуриға қоюш җасарити уйғур көзәткүчиләрниң диққитини тартти.

Радийомиз мухбириниң зияритини қобул қилған дарваз адил һошур үрүмчидә ечилған сиясий кеңәш йиғинида хитай тәрәптә туруп пикир вә тәклип сунғанлиқини баян қилған иди. Тибәт вә уйғур вәкилниң тәклиплирини селиштурған, көзәткүчи учқунҗан әпәнди оттуридики җасарәт пәрқиниң мәлум нуқтидин ейтқанда, уйғурлар билән тибәтләрниң нөвәттики сиясий вәзийитидики җиддийлик вә еғирлиқни әкс әттүридиғанлиқини әскәртти.

Пикирләр (0)
Share
Толуқ бәт