Chéngdudiki siyasiy kéngesh yighinida tibet wekil tibet perzentliri üchün ana til ma'aripini telep qilghan

Muxbirimiz shöhret hoshur
2017-01-20
Share

Mushu ayning bishida chéngduda échilghan sichüen ölkilik siyasiy kéngesh yighinida bir tibet wekili chéngduda yashawatqan tibet perzentlirining chéngduda ana tilda terbiye körüsh imkaniyiti yoq bolush mesilisini otturigha qoyghan we tibet hem xitay tilidin ibaret qosh tilda telim élip bérilishini telep qilghan. Radiyomizning bügünki bu heqtiki in'gilizche xewiride bayan qilishiche, mezkur teklip sichüen ölkilik siyasiy kéngesh ezasi, sichüen pidagogika uniwérsitétining proféssori dolqar kiyi teripidin otturigha qoyulghan. Xewerde déyilishiche, chéngdu yéqinqi yillardiki iqtisadiy tereqqiyati seweblik köpligen tibetliklerni özige jelip qilghan, emma chéngdugha olturaqlashqan tibetlikler perzentlirini ana tilda terbiyelesh üchün tibet nopusi köp bolghan nahiye we yézilargha yollashqa mejbur bolghan. Ushbu xewerdin melum bolghan tibet wekilning siyasiy kéngeshte milliy bir mesilisni otturigha qoyush jasariti Uyghur közetküchilerning diqqitini tartti.

Radiyomiz muxbirining ziyaritini qobul qilghan darwaz adil hoshur ürümchide échilghan siyasiy kéngesh yighinida xitay terepte turup pikir we teklip sun'ghanliqini bayan qilghan idi. Tibet we Uyghur wekilning tekliplirini sélishturghan, közetküchi uchqunjan ependi otturidiki jasaret perqining melum nuqtidin éytqanda, Uyghurlar bilen tibetlerning nöwettiki siyasiy weziyitidiki jiddiylik we éghirliqni eks ettüridighanliqini eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet