Tibette intérnétni teqiblesh kücheytilgen


2013-06-19
Share

Xitay da'iriliri tibet rayonidiki intérnét we yanfon alaqisini kontrol qilish üchün mexsus torlashqan közitish qurulushni tamamlighan.

Xitay axbaratida xewer qilishiche, xitay hökümiti bundin kéyin tibettiki  yanfon we intérnét qollan'ghuchilirini özining heqiqiy ismi bilen tizimlitishni telep qilidiken.

Da'iriler, tor alaqisining kéngiyishige egiship, "Torda ösek soz tarqitip, qalaymiqanchiliq keltürüp chiqirish qatarliq ijtima'iy jinayetlerning köpeygenliki, shunga öz ismi bilen tizimlash tüzümi arqiliq shu xildiki jinayetlerning aldini élishqa bolidighanliqi" ni bildürgen.

Tibetke qaritilghan  bu xil kontrolluqlarning birdinla kücheytilishi, tibet xelqning xitay kommunistlirigha qarshi dawamlashturup kéliwatqan özini köydürüp naraziliq bildürüsh herikiti yene bash kötürgen bir mezgilge toghra keldi.

Xitay da'iriliri özini köydürüp qarshiliq bildürgüchilerni "Ziyankeshlikke uchrighuchilar" dep atighan we "Bularning hemmisini dalay lama guruhi keltürüp chiqarghan" liqini ilgiri sürgen idi.

Dalay lama bügünki bayanatida bu heqte toxtilip: tibetler her tereptin azab chekmekte. Hazir pütün tibetni wehime qalap ketti, dédi.

Xitay da'iriliri 2009-yildiki "5-Iyul qirghinchiliqi" din kéyinla Uyghur élidiki intérnét cheklimisini hessilep ashurghan we bu yilning béshida öz ismi bilen torgha chiqish qanunini ijra qilishqa bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet