Amérika awam palata ezasi tibet aptonom rayonini "Ayrim dölet" dep étirap qilidighan qanun layihisini tonushturdi

Muxbirimiz irade
2020-05-26
Élxet
Pikir
Share
Print

Amérika awam palata ezasi skot pérriy tibet aptonom rayonini "Ayrim dölet" dep étirap qilidighan qanun layihesini tonushturdi.

(H.R. 6948) Nomurluq qanun layiheside "Amérika prézidéntigha xitay xelq jumhuriyitining tibet aptonom rayonini ayrim, musteqil dölet dep étirap qilish hoquqi we bashqa meqsetler üchün hoquq béridu" déyilgen. Qanun layihesi 19-may küni awam palatasining tashqi ishlar komitétigha yollan'ghan bolup, hazirche bu qanun layihesining toluq mezmuni téxi ashkarilanmighan.

Tibet merkizi xewerlirining bildürüshiche, awam palata ezasi skot pérri amérika dölet mejliside tibetke munasiwetlik qarar we qanunlarning maqullinishida aktip rol élip kelgen shexslerning biri iken.

Xitayning intayin sezgür mesililiridin bolghan tibet musteqilliqigha a'it qanun layihesining tonushturulushi küchlük diqqet qozghimaqta. U, amérika-xitay arisidiki ziddiyetler soda mesililiri, tajsiman wirus we nöwette xongkongdiki weziyet tüpeyli qattiq nacharlashqan peytte tonushturuldi.

Toluq bet