Һималая йоли арқилиқ чәтәлгә қечип чиқидиған тибәт мусапирлириниң сани көрүнәрлик азайған

Мухбиримиз қутлан
2014-10-20
Share

"вашингтон почтиси" гезитиниң бүгүн дарамсаладин бәргән хәвиригә қариғанда, 2008-йилидин буян һималая тағлиридики мәхпий йоллар арқилиқ чәтәлгә қечип чиқидиған тибәт мусапирлириниң сани көрүнәрлик азайған.

Хәвәрдә дейилишичә, 2008-йилидики тибәтләрниң қаршилиқ көрситиш намайишидин бурун һәр йили 2 миңдин артуқ тибәтлик әң хәтәрлик йолларни бесип непал арқилиқ тибәтләрниң сүргүндики қараргаһи-дарамсалаға қечип чиққан.

Һалбуки, йеқинқи 6 йилдин буян тибәттин дарамсалаға қечип чиқидиған тибәт мусапирлириниң сани бирақла азийип, йилиға тәхминән 100 адәмгә чүшүп қалған.

Хитайниң йеқиндин буян "бөлгүнчилик" вә "террор" ға қарши турушни баһанә қилип, уйғур вә тибәтләргә қаратқан сиясий җәһәттики контроллуқини мислисиз дәриҗидә күчәйтиши тибәтләрниң һималаядики муһаҗирәт йолини кесип ташлиған.

Америкилиқлар төлигән баҗ пули билән дарамсалаға қурулған тибәт мусапирлирини күтүвелиш мәркизи 1959-йилидин буян нәччә он миңлиған тибәтликләрни өзигә җәлп қилип кәлгән.

Мәзкур мәркәзниң 500 нәпәр мусапирни бир йолда қобул қилалайдиған бинаси 2011-йили рәсмий пүтүп ишқа киришкән. Һалбуки, йеқиндин буян бу йәргә қечип келидиған тибәт мусапирлириниң азийиши билән мәзкур мәркәзниң өйлириму бош қелишқа башлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт