Himalaya yoli arqiliq chet'elge qéchip chiqidighan tibet musapirlirining sani körünerlik azayghan

Muxbirimiz qutlan
2014-10-20
Share

"Washin'gton pochtisi" gézitining bügün daramsaladin bergen xewirige qarighanda, 2008-yilidin buyan himalaya taghliridiki mexpiy yollar arqiliq chet'elge qéchip chiqidighan tibet musapirlirining sani körünerlik azayghan.

Xewerde déyilishiche, 2008-yilidiki tibetlerning qarshiliq körsitish namayishidin burun her yili 2 mingdin artuq tibetlik eng xeterlik yollarni bésip népal arqiliq tibetlerning sürgündiki qarargahi-daramsalagha qéchip chiqqan.

Halbuki, yéqinqi 6 yildin buyan tibettin daramsalagha qéchip chiqidighan tibet musapirlirining sani biraqla aziyip, yiligha texminen 100 ademge chüshüp qalghan.

Xitayning yéqindin buyan "Bölgünchilik" we "Térror" gha qarshi turushni bahane qilip, Uyghur we tibetlerge qaratqan siyasiy jehettiki kontrolluqini mislisiz derijide kücheytishi tibetlerning himalayadiki muhajiret yolini késip tashlighan.

Amérikiliqlar töligen baj puli bilen daramsalagha qurulghan tibet musapirlirini kütüwélish merkizi 1959-yilidin buyan nechche on minglighan tibetliklerni özige jelp qilip kelgen.

Mezkur merkezning 500 neper musapirni bir yolda qobul qilalaydighan binasi 2011-yili resmiy pütüp ishqa kirishken. Halbuki, yéqindin buyan bu yerge qéchip kélidighan tibet musapirlirining aziyishi bilen mezkur merkezning öylirimu bosh qélishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet