Amérikining démokratiye we kishilik hoquq ministir yardemchisi chet'ellerdiki sergerdan tibetler rayonida ziyarette boldi

Muxbirimiz méhriban
2014-11-11
Share

Amérika dölet ishliri ministirliqining démokratiye we kishilik hoquq ministir yardemchisi, tibet mesililiri alahide xadimi sarax séwall, 9-noyabir küni hindistan we népaldiki tibet musapirlar rayonidiki bir heptilik ziyaritini bashlidi.

Radi'omiz tibet bölümining xewiridin melum bolushiche, tibet mesililiri alahide xadimi sarax séwallning tibet musapirlar rayonidiki ziyariti 9-noyabirdin 16-noyabirgha qeder dawamlishidighan bolup, u ziyaritide yene, daramsalaghimu bérip, tibet sergerdan hökümiti rehberliri bilenmu körüshidiken.

Xewerde yene, sarax séwallning aldinqi 4 künde népaldiki tibet musapirlar rayonida ziyarette bolghanliqi we népal hökümitining tibet musapirliri üchün bergen insanperwerlik yardimini medhiyiligenliki tilgha élin'ghan. Halbuki chet'ellerdiki tibet teshkilatlirining bildürüshiche, yéqinqi birqanche yildin buyan népal hökümiti xitaygha yaxshichaq bolush üchün, népaldiki tibet aktiplirining pa'aliyetlirige cheklime qoyush heriketliridimu bolghan. Népal da'irilirining bu qilmishliri tibet teshkilatliri we pa'aliyetchilirining eyiblishige uchrighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet