Tibette yene özige ot qoyuwélish weqesi yüz berdi

Tibetlerning kirtiy ibadetxanisidiki bir rahib peyshenbe küni chüshtin kéyin özige ot qoyghan.

Amérika awazi radi'osining bu heqtiki xewiride bayan qilinishiche, özige ot qoyuwalghuchining kimliki we nöwettiki hazirche melum emes.

Weqe yüz bergendin kéyin xitay saqchilirining neq meydanni qorshawgha alghanliqi we etrapta bixeterlik tedbirlirini kücheytkenliki melum.

Tibetlerning xitay hökümitige qarshi özige ot qoyuwélish sheklidiki qarshiliq herikiti 2009 - yili bashlan'ghan we hazirgha qeder jem'iy 120 qétim özige ot qoyuwélish weqesi yüz bergen.

Bu qétimqisi bu yil ichide yüz bergen ikkinchi qétimliq özige ot qoyuwélish weqesi hésablinidu.

Xitay terep hazirgha qeder dalay lamani bu weqelerning qutratquchisi dep eyiblimekte. Dalay lama hazirgha qeder bu xildiki qarshiliq heriketliri üstide “Toghra” yaki “Xata” dep pikir bayan qilmighan bolsimu, weqede pidakarliq körsetkenlerning jasaritige apirin oquydighanliqini bayan qilghan we tibet yashlirini qarshiliq körsetkende aqilane bolushqa dewet qilghan idi.

Dalay lama ötken yili daramsalada qilghan sözide Uyghur xelqining xitaygha qarshi heriketlirini chin qelbidin qollaydighanliqini bildürgen idi.