Dangliq tibet kino rézhissori xitay saqchilirining tutqun qilishigha uchrighan

Muxbirimiz jüme
2016-06-29
Share

Dangliq tibet kino rézhissori xitay saqchilirining tutqun qilishigha uchrighan we kéyin késili qozghilip doxturxanigha kirip qalghan.

Firansiye agéntliqining xewer qilishiche, péma tsédén isimlik tibet rézhissor shenbe küni chingxey shining ayrodromida tutup kétilgen.

Xewerde kolombiye uniwérsitéti hazirqi zaman tibet tetqiqat jem'iyitining diréktori robért barnétning éytqanliridin neqil élip körsitishiche, tsédén esli saqchixanida 5 kün tutup turushqa buyrulghan bolsimu, emma uning di'abit késili bar bolup, béshi qéyip bolalmighandin kéyin, düshenbe küni u doxturxanigha bérip dawalinishqa qoyup bérilgen.

Péma tsédénning yéqini filimi "Tharlo" dunyaning her qaysi jaylirida ötküzülgen filim féstiwallirida körsitilgen we étirap qilishqa érishken idi.

U ilgiri "Timtas ulugh tash" namliq bir filim ishlep uningda zamaniwi medeniyetning xirisigha duch kelgen tibet hayatini eks ettürgen idi.

Firansiye agéntliqining ziyaritini qobul qilghan shiningdiki bir saqchi bayanatchisi tsédénning saqchilarning buyruqigha boysunmay, yük-taqa élish ornigha kirgenliki üchün qolgha élin'ghanliqini bildürgen. U yene nöwette tsédénning qan bésimi we qan shékiri örlesh alametliri boyiche dawaliniwatqanliqini éytqan.

Xitay kommunist hökümiti 1950-yili tibetke bésip kirgen. Shundin kéyin tibetlerning milliy medeniyiti we tibet buddizmining mislisiz weyranchiliqlargha uchrap kéliwatqanliqi bildürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet