Тибәттики чирикликкә қарши туруш һәрикитиниң диний етиқадқа қарши турушниму өз ичигә алидиғанлиқи диққәт қозғимақта

Мухбиримиз қутлан
2015-11-09
Share

Б б с ниң хәвиригә қариғанда, тибәт аптоном райониниң партком секретари "тибәттики чирикликкә қарши туруш һәрикитиниң тиғ учи диний етиқадниму өз ичигә алиду," дегәнләрни илгири сүргән.

Бу хәвәр таратқуларға ашкара болғандин кейин хәлқара җәмийәттә, болупму чәтәлләрдики тибәт җамаитидә күчлүк инкас қозғиған.

Тибәт аптоном райониниң партком секретари бу һәқтә йәнә мунуларни тәкитлигән: "гәрчә тибәтниң бейҗиң билән болған арилиқи йирақ болсиму, әмма ши җинпиң рәһбәрликидики җуңго компартийәсиниң йолйоруқлирини қәтий иҗра қилимиз. Тибәттики чирикликкә қарши күрәш әмәлийәттә бир қисим йәрлик компартийә кадирлириниң йошурунчә динға етиқад қилиши яки далай ламани тавап қилишқа урунушидәк қилмишларға қарши турушниму өз ичигә алиду."

У йәнә мундақ дегән: "кадирлар ичидики ‹икки йүзлүк' кишиләр, ‹милләт қариши тоғра болмиған' лар яки ‹йошурунчә динға етиқад қилидиған' лар қаттиқ бир тәрәп қилиниду."

Көзәткүчиләр, хитай компартийәсиниң тибәттиму худди уйғур елиға охшашла "чирикликкә қарши туруш" баһанисидә тиғ учини учини сиясий җәһәттин ишәнчлик болмиған йәрлик кадирларға қаритиватқанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт