Tibettiki chiriklikke qarshi turush herikitining diniy étiqadqa qarshi turushnimu öz ichige alidighanliqi diqqet qozghimaqta

Muxbirimiz qutlan
2015-11-09
Share

B b s ning xewirige qarighanda, tibet aptonom rayonining partkom sékrétari "Tibettiki chiriklikke qarshi turush herikitining tigh uchi diniy étiqadnimu öz ichige alidu," dégenlerni ilgiri sürgen.

Bu xewer taratqulargha ashkara bolghandin kéyin xelq'ara jem'iyette, bolupmu chet'ellerdiki tibet jama'itide küchlük inkas qozghighan.

Tibet aptonom rayonining partkom sékrétari bu heqte yene munularni tekitligen: "Gerche tibetning béyjing bilen bolghan ariliqi yiraq bolsimu, emma shi jinping rehberlikidiki junggo kompartiyesining yolyoruqlirini qet'iy ijra qilimiz. Tibettiki chiriklikke qarshi küresh emeliyette bir qisim yerlik kompartiye kadirlirining yoshurunche din'gha étiqad qilishi yaki dalay lamani tawap qilishqa urunushidek qilmishlargha qarshi turushnimu öz ichige alidu."

U yene mundaq dégen: "Kadirlar ichidiki 'ikki yüzlük' kishiler, 'millet qarishi toghra bolmighan' lar yaki 'yoshurunche din'gha étiqad qilidighan' lar qattiq bir terep qilinidu."

Közetküchiler, xitay kompartiyesining tibettimu xuddi Uyghur éligha oxshashla "Chiriklikke qarshi turush" bahaniside tigh uchini uchini siyasiy jehettin ishenchlik bolmighan yerlik kadirlargha qaritiwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet