Tibet sergerdanliri xitayning tibet muritlirining hindistan'gha bérip diniy pa'aliyetke qatnishishini chekligenlikini eyiblidi

Muxbirimiz erkin
2017-01-06
Share

Tibet sergerdanliri xitayning tibet muritlirining hindistan'gha bérip diniy pa'aliyetke qatnishishini chekligenlikini eyiblidi

Sürgündiki tibet hökümiti xitay da'irilirining tibetlerning hindistan'gha bérip, dalay lamaning riyasetchilikidiki dunya budda yighinigha qatnishishini chekligenlikini tenqid qildi.

Tibet sergerdan teshkilatlirining qeyt qilishiche, mezkur diniy yighin'gha qatnishish üchün minglighan tibetlik buddist muriti hindistan'gha barghan. Emma xitay hökümiti tibet muxlislirining yurtidiki uruq-tughqan, a'ile-tawabi'atlirigha bésim ishlitip, ularni yighin'gha qatnashmay qaytip kélishke mejbur qilghan.

Xitay hökümiti ilgiri Uyghurlargha bu xil usulni qollan'ghan. Da'iriler misir, türkiye qatarliq döletlerge oqushqa chiqqan Uyghur oqughuchilarni yaki tarqaq hejge barghan Uyghurlarning yurtidiki uruq-tughqan, a'ile-tawabi'atlirigha bésim ishlitip, ularni qaytip kélishke mejbur qilghan ehwallar yüz bergen idi.

Hindistanning daramsala rayonidiki tibet sürgün hökümitining uchur-xelq'ara alaqe ishlar mu'awin ministiri nawang tomi jüme küni xitayni tenqidlep, "Biz xitay hökümitini xitay chégrasi ichidiki tibetlerning diniy erkinlikini chekleshni toxtitishqa chaqirimiz. B d t we xelq'ara jem'iyetni xitay chégrasi ichidiki tibetlerning ghezeplik sadasigha qulaq sélishqa ündeymiz" dégen.

34‏-Nöwetlik mezkur xelq'ara buddizm pa'aliyiti teshkili komitétining mes'uli karma gélek yutokning firansiye agéntliqigha bergen uchurida bildürüshiche, 7 ming buddist muriti xitayning bésimida yurtigha qaytip ketken. Hindistanning bixar shtatida 2‏-yanwar bashlan'ghan mezkur xelq'ara diniy yighilish 14‏-yanwar axirlishidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet