Xitay 20 yil nezerbend qilghan benchen lamaning qanunluq izbasari heqqide tunji qétim éghiz achqan

Muxbirimiz qutlan
2015-09-07
Share

Birleshme agéntliqning xewirige qarighanda, xitay hökümiti yéqinda 20 yildin buyan nezerbentte turuwatqan benchen lamaning qanunluq izbasari niyima heqqide tunji qétim éghiz achqan.

Melumki, tibet buddizmining ikkinchi dahiysi benchen lama 1989-yili alemdin ötken. 1995-Yiligha kelgende tibetlerning rohaniy dahiysi dalay lama emdila 6 yashqa kirgen gédhun niyimani benchen lamaning qanunluq izbasari dep élan qilghan.

Halbuki, xitay hökümiti eyni chaghda emdila 6 yashqa kirgen nyimani nezerbend qilip, uni tibetlerning közidin yiraq qilghan. Shundin buyan uning iz-dériki bolmighan. Sürgündiki tibet hökümiti buninggha inkas qayturup nyimani "Dunyadiki eng yash siyasiy tutqun" dep teswirligen.

6-Séntebir küni shinxu'a agéntliqi tibet aptonom rayonluq birliksep bölümining emeldari norbu dondupning sözini neqil keltürüp munularni tekitligen: "Niyima hazir saghlam hem normal hayatta yashimaqta. U dawamliq ma'arip terbiyisi éliwatidu. U héchkimning özini aware qilishini xalimaydu."

Xitay hökümiti eyni chaghda dalay lama bilen tibet xelqining iradisige qarshi halda norbu isimlik bashqa bir tibetlikni 11-benchen lamaliqqa teyinligen. Xitay hökümiti teyinligen benchen lama nöwette xitay memliketlik siyasiy kéngeshning mu'awin re'islik wezipisini ötimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet