Лобсаң саңгай: канада тибәт мәсилисидә хитайға кубәкни үлгә көрситиши керәк

Мухбиримиз шөһрәт һошур
2016-11-23
Елхәт
Пикир
Share
Принт

Канада пайтәхти оттавада зиярәттә болуватқан сүргүндики тибәт һөкүмити баш министири лобсаң саңгай, канада сиясәтчилири билән сөһбити давамида, канаданиң милләтләр мәсилисидә хитайға тәнбиһ беришкә һәқлиқ вә лаяқәтлик икәнликини әскәртип, хитай тәрәпкә өзлириниң тәҗрибисини өгитишни тәвсийә қилған.

Бу нуқтида конкрет тохтилип,канаданиң тибәт мәсилисидә хитайға гәп қилғанда кубәкни үлгә көрситишини тәләп қилған.

Кубәктә 1960-йиллардин башлап мустәқиллиқ һәрикәтлири баш көтүргән, канада бу мәсилини реферандум арқилиқ һәл қилған болуп, ройтирисниң бүгүнки бу һәқтики хәвиридә баян қилишичә, нөвәттә кубәк хәлқи канада тәркибидә бәлгилик дәриҗидә өз-өзини идарә қилиш һоқуқидин бәһримән болмақта. Лобсаң саңгайниң мәзкур чақириқи хәлқара ахбаратниң диққитини тартқан.

Ройтирис агентлиқи лобсаңниң бу чақириқи һәққидә канададики хитай әлчиханисиниң позитсийисини сориған. Ү әлчихана язма баянат елан қилип, тибәткә даир барлиқ ишларниң хитайниң ички иши икәнликини вә чәтәлликләрниң арилишишиға йол қоюлмайдиғанлиқини билдүргән.

Хәвәрләрдә дейилишичә, лобсаң саңгайниң канада парламентидики сөзлирини тибәтни қоллғучи парламент әзалири өрә туруп алқишлиған.

Пикирләр (0)
Share
Толуқ бәт