Tibetler xitayni bésim siyasitini özgertishke chaqirdi

3 - Ayning 10 - küni chet'ellerdiki tibetlikler 1959 - yilidiki tibet qozghilingining 54 yilliqini xatirilesh pa'aliyetliri ötküzdi.

Amérika awazining xewer qilishiche, yekshenbe küni tibet sürgündiki hökümiti tibet qozghilingining basturulghan xatire künide darimsalada xatirilesh pa'aliyiti ötküzgen hemde bayanat élan qilip, béyjingning tibet xelqige qaratqan basturushning barghanséri éghirlishiwatqaliqini eyibligen.

Yighinda söz qilghan tibet sürgündiki hökümitining bash ministiri lopsang sanggay béyjing hökümitini tibetlerge qaratqan qattiq qol siyasetni toxtitishqa chaqirghan. Lopsang sanggay yene dalay lamaning ottura yol siyasitide qet'iy méngip, tibetning aliy muxtariyet hoquqini qolgha keltürüsh nishani üchün küresh qilidighanliqi hemde béyjing bilen söhbet ötküzüsh arqiliq tibet mesilisini hel qilishni kütidighanliqini tekitligen.

Tibet qozghilingi 1959 - yili, 10 - mart küni basturulghandin kéyin dalay lama qatarliq tibet rohaniy we memuriy rehberliri hemde 100 mingdin artuq tibetlik hindistan'gha qéchip bérip panahlan'ghan idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar