Yene bir tibetlik özige ot qoyup xitaygha qarshiliq bildürgen

Muxbirimiz shöhret hoshur
2018-03-07
Share

Radiyomiz tibet bölümining xewer qilishiche, bügün, yeni 7-mart küni kech sa'et 5 te, tibet aptonom rayonining amgo nahiyesidiki tséko tapchagh isimlik bir tibet özige ot qoyup xitay hakimiyitige qarita naraziliqini bildürgen.

Xewerde déyilishiche, bu yil 44 yashqa kirgen, ikki perzentning atisi bolghan tiséko, burundinla milliy héssiyati we siyasiy sezgürlük üstün kishilerdin bolup, u eslide bu qarshiliq herikitini 10-mart küni, yeni tibetning milliy isyan küni élip barmaqchi bolghan, lékin rayonda bixeterlik tedbirlirining kündin-kün'ge küchiyip kétiwatqanliqini körgen tiseki herikitini muddettin burun bashlighan.

Ashkarilinishiche, tséko özige ot yaqqandin kéyin "Yashisun dalay lama, yashisun erkinlik" dep sho'ar towlighan we shu sa'ette neq meydanda jan üzgen. Melum bolushiche, bu, 2009-yili tibetler xitaygha qarshi özige ot qoyuwélish sheklide qarshiliq herikiti bashlighandin buyan özige ot qoyghan 153-tibetliktur.

Tibetlerning özige ot qoyuwélishini xitay siyasiy jinayet katégoriyesige kirgüzgen, emma bir qisim tibetler bu tür qarshiliq sheklining ünümige guman bilen qarap kelgen.

En'gliyediki "Télégraf" agéntliqining yézishiche, tibet dahiysi dalay lamamu bir qétimliq sözide, özige ot qoyuwalghuchilarning jasaritige apirin oqush bilen birlikte qarshiliq körsitishte aqilane bolushqa dewet qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet