Әнглийә парламент әзалири әнглийәдики тик ток ширкити мәсулини хитайдики мәҗбурий әмгәк мәсилисигә четишлиқ яки әмәслики тоғрулуқ испат беришкә чақирди

Мухбиримиз җәвлан
2020-10-21
Share

Әнглийә парламент әзаси, әнглийә сода, енергийә вә кәсип истратегийиси комитети рәиси дәррен җонес (Darren Jones) билән әнглийә парламент әзаси вә мәзкур комитетниң әзаси нусрәт ғәни(Nusrat Ghani) йеқинда әнглийәдики тик ток ширкити мәсулиға бирләшмә мәктуп сунуп, 11-айниң 5-күни униң тик ток ширкитигә вакалитән ағзаки испат беришини тәләп қилған.

Нусрәт ғәни 21-өктәбир өзиниң тивиттер һесабида бу мәктупни елан қилған болуп, "тик ток ширкитиниң уйғур районидики мәсилиләргә четишлиқ яки әмәслики, уйғурлар үчүн өзиниң алақә суписида уларға сөз әркинлики бәргән-бәрмигәнлики тоғрулуқ испат аңлаймиз" дәп язған.

Мәктупта әнглийәдики тик ток ширкитиниң хитайдики мәҗбурий әмгәк, йәни уйғурларни қул қилиш мәсилисигә биваситә яки васитилик һалда четишлиқ яки әмәслики, мәзкур ширкәтниң бу хил заманиви қуллуқ вә башқа кишилик һоқуқ дәпсәндичиликиниң алдини елиш үчүн қандақ тәдбир еливатқанлиқи қатарлиқ мәсилиләргә җаваб бериш керәклики әскәртилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт