En'gliye parlamént ezaliri en'gliyediki tik tok shirkiti mes'ulini xitaydiki mejburiy emgek mesilisige chétishliq yaki emesliki toghruluq ispat bérishke chaqirdi

Muxbirimiz jewlan
2020-10-21
Share

En'gliye parlamént ezasi, en'gliye soda, énérgiye we kesip istratégiyisi komitéti re'isi derrén jonés (Darren Jones) bilen en'gliye parlamént ezasi we mezkur komitétning ezasi nusret gheni(Nusrat Ghani) yéqinda en'gliyediki tik tok shirkiti mes'uligha birleshme mektup sunup, 11-ayning 5-küni uning tik tok shirkitige wakaliten aghzaki ispat bérishini telep qilghan.

Nusret gheni 21-öktebir özining tiwittér hésabida bu mektupni élan qilghan bolup, "Tik tok shirkitining Uyghur rayonidiki mesililerge chétishliq yaki emesliki, Uyghurlar üchün özining alaqe supisida ulargha söz erkinliki bergen-bermigenliki toghruluq ispat anglaymiz" dep yazghan.

Mektupta en'gliyediki tik tok shirkitining xitaydiki mejburiy emgek, yeni Uyghurlarni qul qilish mesilisige biwasite yaki wasitilik halda chétishliq yaki emesliki, mezkur shirketning bu xil zamaniwi qulluq we bashqa kishilik hoquq depsendichilikining aldini élish üchün qandaq tedbir éliwatqanliqi qatarliq mesililerge jawab bérish kérekliki eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.