Бу йиллиқ нобел тинчлиқ мукапати хәлқара химийилик қоралларни чәкләш тәшкилатиға берилди

Мухбиримиз әркин
2013-10-11
Share

Нобел тинчлиқ комитети җүмә күни баянат елан қилип, бу йиллиқ нобел тинчлиқ мукапатиниң мәркизи голландийәдики хәлқара химийилик қоралларни чәкләш тәшкилатиға берилгәнликини җакарлиди.

Нобел комитети баянатида, бу мукапат мәзкур тәшкилатниң "химийилик қоралларни йоқитиш үчүн көрсәткән тиришчанлиқи" ға берилгәнликини билдүрди.

Нөвәттә, б д т ниң сүрийәдики химийилик қоралларни йоқитиш вәзиписи мәзкур органға берилгән иди.

Америка билән русийәниң бу йил 9‏-айда һасил қилған келишимдә, сүрийәниң химийилик қораллирини 2014‏-йилниң оттурилириға қәдәр пүтүнләй йоқитиш қарар қилинған. Сүрийә һөкүмити мәзкур келишимни қобул қилған иди.

Нобел комитети баянатида йәнә, химийилик қоралларни ишлитиш 1925‏-йили имзаланған җәнвә келишимидә мәни қилинған болсиму, бирақ бу қоралниң давамлиқ ишлитип кәлгәнликини билдүрүп: йеқинда сүрийәдә йүз бәргән вәқәләрдә химийилик қоралларниң йәнә ишлитилиши, бу хил қоралларни йоқитишни күчәйтишниң зөрүрлүкини көрсәтти, дегән.

Мәзкур тәшкилатниң мәсули, түркийәлик дипломат әхмәт үзүмҗү, бу мукапат мәзкур тәшкилатниң тинчлиқ үчүн қилған 16 йиллиқ хизмитиниң етирап қилиниши икәнликини билдүргән.

Химийилик қоралларни чәкләш тәшкилати 1997-йили қурулған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт