Bu yilliq nobél tinchliq mukapati xelq'ara ximiyilik qorallarni cheklesh teshkilatigha bérildi
Nobél tinchliq komitéti jüme küni bayanat élan qilip, bu yilliq nobél tinchliq mukapatining merkizi gollandiyediki xelq'ara ximiyilik qorallarni cheklesh teshkilatigha bérilgenlikini jakarlidi.
Nobél komitéti bayanatida, bu mukapat mezkur teshkilatning “Ximiyilik qorallarni yoqitish üchün körsetken tirishchanliqi” gha bérilgenlikini bildürdi.
Nöwette, b d t ning süriyediki ximiyilik qorallarni yoqitish wezipisi mezkur organ'gha bérilgen idi.
Amérika bilen rusiyening bu yil 9-ayda hasil qilghan kélishimde, süriyening ximiyilik qorallirini 2014-yilning otturilirigha qeder pütünley yoqitish qarar qilin'ghan. Süriye hökümiti mezkur kélishimni qobul qilghan idi.
Nobél komitéti bayanatida yene, ximiyilik qorallarni ishlitish 1925-yili imzalan'ghan jenwe kélishimide men'i qilin'ghan bolsimu, biraq bu qoralning dawamliq ishlitip kelgenlikini bildürüp: yéqinda süriyede yüz bergen weqelerde ximiyilik qorallarning yene ishlitilishi, bu xil qorallarni yoqitishni kücheytishning zörürlükini körsetti, dégen.
Mezkur teshkilatning mes'uli, türkiyelik diplomat exmet üzümjü, bu mukapat mezkur teshkilatning tinchliq üchün qilghan 16 yilliq xizmitining étirap qilinishi ikenlikini bildürgen.
Ximiyilik qorallarni cheklesh teshkilati 1997-yili qurulghan.
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
