Dunya tinchliq teshkilati: "Xitay Uyghur musulmanlirigha tutqan xata mu'amilide jawabkarliqqa tartilishi kérek"

Muxbirimiz erkin
2020-03-23
Share

Dunya tinchliq teshkilati maqale élan qilip, xitayning Uyghurlargha tutqan mu'amilisi seweblik jawabkarliqqa tartilishi kérekliki, eger xelq'ara jem'iyet uni jawabkarliqqa tartmisa, eslige keltürgili bolmaydighan xirisqa duch kélidighanliqini bildürgen. Maqalide agahlandurushiche, bu mesilide süküt qilish uninggha qayil bolush bilen oxshash iken.

Mezkur teshkilatning muxbiri silwiye sawédra qelemge alghan maqalide xitayning Uyghurlarni keng-kölemlik tutqun qilip, xelq'ara dangliq markilargha mehsulat ishleydighan karxanilargha yötkigenliki, shuningdek uning korona wirusi krizisidiki rehimsiz inkasi Uyghurlarning mewjutluqigha tehdit élip kelgenlikini ilgiri sürgen. Uningda: "Nahayiti éniqki, xitayning yuqumgha bolghan inkasi lagérlarning ichi we sirtida acharchiliq we wehime peyda qildi," déyilgen.

Maqalide tekitlishiche, xelq'araning bu xil qilmishlarda "Közini yumuwalmasliqi, 'riwanda qirghinchiliqi' da yüz bergen xataliqni tekrarlimasliqi uning exlaqiy we ijtima'iy mes'uliyiti" iken. Maqalining axirida xelq'ara jem'iyetning bek kech qélishtin burun insaniyetke qarshi bu jinayetke qarshi turushi yaki bu xirisqa bash égip, eslige keltürgili bolmaydighan aqiwetke tewekkül qilishi kéreklikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet