Tarim néfitliki xitay ölkilirige yekke künde gaz yetküzüsh boyiche yéngi rékort yaratqanliqini élan qilghan

Muxbirimiz qutlan
2015-04-06
Élxet
Pikir
Share
Print

Junggo Uyghurche radi'o torining xewirige qarighanda, ötken yili 11-aydin buyan, tarim néfitliki xitay ölkilirige 8 milyard 890 milyon kupmétir gaz yetküzgen.

Bu ötken yilining oxshash mezgilidikidin 26% köp bolup, buning ichide yekke künde eng köp yetküzüsh miqdari 75 milyon 460 ming kupmétirgha yétip, ichkirige gaz yötkeshte yéngi rékort yaritilghan iken.

Melum bolushiche, xitaydiki eng chong tebi'iy gaz ishlepchiqirish bazisi bolghan tarim néfitliki xitayning 15 ölkisidiki 120 nechche sheherning sana'et we ahalilirini gaz bilen teminleydiken.

Yéqinqi birqanche yildin buyan tarim néfitliki xitay ölkilirining tebi'iy gazgha bolghan jiddiy éhtiyajini qandurush üchün bir qatar derijidin tashqiri chongqur quduqlarni qazghan. Yüz milyard küp métirliq alte orundiki gaz zapisini keyni-keynidin achqan. Tarim oymanliqidiki qarasu néfitlikining özila xitay ölkilirini bir tirilyon kupmétirliq tebi'iy gaz bilen teminleydiken.

Közetküchiler we xelq'aradiki musteqil analizchilar xitay hökümitining yéqinqi yillardin buyan Uyghur élidiki tebi'iy bayliqlarni qézish we xitay ölkilirige toshup kétish sür'itining derijidin tashqiri tézleshkenlikini ilgiri sürmekte.

Toluq bet