Tokyo 2020 - yilliq olimpik yighini échish hoquqigha érishti

2020 - Yilidiki yazliq olimpik yighini échish salahiyitini talishish axiri 7 - séntebir küni netijilendi. Yaponiye paytexti tokyo 2020 - yilliq olimpik ötküzüsh salahiyitige ige bolush bilen yaponiye xelqi özining ghelibisini daghdugha qildi.

Bu qétimqi axirqi tallashta türkiyining istanbul shehirimu küchlük namzat boldi. Biraq istanbul tokyodin kéyinki béletke érishti.

B b s agéntliqining yézishiche, tokyo tallan'ghan bolsimu, biraq yaponiyidiki fukushima atom radi'atsiyisining aqiwiti kishilerni endishige salghan bolup, köpligen yaponluqlar yapon xelqi éghir atom radi'atsiyisining tesiridin qutulalmighan, dölette iqtisadiy mesililer qiyin j boluwatqanda olimpik ötküzüshni muwapiq emes dep qarighan, emma yaponiye hökümiti 2020 - yilighiche atom radi'atsiyisi tesirini tazilap bolidighanliqini wede qilghan.

Mulahizichiler istanbulning eng küchlük namzat bolsimu, biraq uningda yéqinda yüz bergen naraziliq namayishliri, süriye krizisi we bashqa mesililer uning bu qétimqi tallashta ghalip chiqalmasliqidiki asasliq seweb dep qarimaqta.

Ispaniyining madrid shehirimu asasliq riqabetchi bolsimu, biraq uning nomuri istanbuldin kéyin turghan.

Eger istanbul ghelibe qilghan bolsa, u musulman dunyasidiki tunji olimpik shehiri bolup qalghan bolar idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar