Prézidént tramp xitaydin "Toluq qol üzüsh" kéreklikini tekitlidi

Muxbirimiz nur'iman
2020-06-19
Élxet
Pikir
Share
Print

Firansiye axbarat agéntliri (AFP) ning 19-iyun bergen xewiride prézidént donald trampning amérikaning xelq'ara sodini ilgiri sürüsh pilani bolsimu, lékin xitayning amérika iqtisadigha arilishishini keskin ret qilidighanliqi, shu sewebtin amérikaning xitay bilen bolghan soda alaqisini üzüshni teshebbus qilidighanliqi ilgiri sürülgen.

Igilinishiche, prézidént tramp özining tiwéttér hésabidin "Her qandaq shara'itta amérika xitaydin pütünley qol üzüshni tallaydu," dep uchur yollighan.

Amérika qoshma shtatliri xitay bilen bolghan soda urushidin bashqa yene korona wirusi yuqumi, xongkongda qarshiliq peyda qilghan "Xitay dölet xewpsizliki qanuni" we xitayning Uyghur rayonidiki keng kölemlik basturush siyasiti qatarliq bir qatar mesililerde xitayni qattiq tenqid qilip kelmekte.

Firansiye axbarat agéntliqining xewirige qarighanda, amérikaning yuqiri derijilik diplomati dawid stilwél amérikaning xitay bilen téximu ochuq-ashkara munasiwette bolushni teshebbus qilidighanliqini tekitligen. Lékin bu heqtiki so'allargha tepsiliy jawab bérishni ret qilghan.

Toluq bet