Tömür dawamet 92 yéshida wapat boldi

Muxbirimiz sada
2018-12-19
Élxet
Pikir
Share
Print

Xitay hökümet taratquliri bügün, yeni 19-dékabir küni Uyghur aptonom rayonining sabiq re'isi tömür dawametning béyjingda késel sewebi bilen 92 yéshida wapat bolghanliqini xewer qildi.

Tömür dawamet 1950-yillardin taki 2003-yilghiche Uyghur aptonom rayonining her derijilik partiye-hökümet organlirida we xitay memliketlik xelq qurultiyida rehberlik wezipiliride bolghan. U 1964-yildin bashlap Uyghur aptonom rayonluq partkom we hökümette mu'awin sékrétar we mu'awin re'is wezipilirini ötigen. 1985-Yilidin 1993-yilghiche Uyghur aptonom rayonluq xelq hökümitining re'isi bolghan. Shuningdin kéyin béyjinggha yötkilip, xitay memliketlik xelq qurultiyi da'imiy komitétining mu'awin mudiri bolghan.

Tömür dawametning ölüm xewiri Uyghur diyarida nöwette milyonlighan Uyghur we bashqa musulman xelqler lagérlargha qamalghan, ulardin beziliri qamaq jazasigha, beziliri ölüm jazasigha höküm qilin'ghan, yene beziliri iz-déreksiz ghayib qiliwétilgen bir mezgilge toghra keldi. Isma'il ehmed bilen tömür dawametning ölüm xewiri Uyghur diyarida xitay kompartiyesi hakimiyiti tiklen'gendin buyan kona bir ewlad Uyghur yuqiri qatlam emeldarliri dewrining axirlashqanliqidin dérek bermekte.

Chet'ellerdiki közetküchilerning beziliri tömür dawametni ötken esirning 80-90-yillirida Uyghurlarning edebiyat-sen'et we medeniyet ishlirigha qolidin kélishiche yéshil chiragh yéqip bergen dep qarisa, yene beziliri uni xitay kompartiyesi terbiyelep wezipige qoyghan qorchaq re'is dep qarimaqta.

Toluq bet