Xoten-chaqiliq tömüryoli qurulushigha on mingdek "Éshincha emgek küchi" ning ishlitiliwatqanliqi melum

Muxbirimiz jewlan
2020-10-14
Share

Xitayche "Shinjang géziti" ning 14-öktebir tarqatqan xewiride melum bolushiche, yéngidin quruluwatqan xoten-chaqiliq tömür yoli on mingdek "Éshincha emgek küchi" ni ishlitiwatqan bolup, bularning ichide yerlik Uyghurlarningmu barliqi, ayliq ish heqqining 4500 yüen ikenliki alahide teshwiq qilin'ghan.

Xewerde éyitilishiche, xoten-chaqiliq tömür yolining qurulushi 2018-yilning axiri bashlan'ghan bolup, 2022-yil 6-ayda tamamlinidiken, bu tömür yolning xoten bilen bayin'gholin oblastidiki uzunluqi 825 kilométirdin ashidighan bolup, xotenning lop, kériye, niye nahiyiliri bilen cherchen, chaqiliq nahiyelirini tutashturidiken.

Bu tömür yol qurulushigha mes'ul xitayning bildürüshiche, bu qurulushqa ishlewatqanlarning köp qismi töwen turmush kapaliti alidighan namratlar iken. Xotenning namrat déhqanliridin 500 dek kishi bu qurulushning yol chingdash dégendek téxnika telipi töwen ishlirigha sélin'ghan.

Weziyettin xewerdar kishilerning bildürüshiche, xitayning Uyghur rayonidiki kontrol qilish siyasiti awwal xelqni siyasiy, iqtisadiy igilik hoquqidin mehrum qaldurush, andin halliq sewiyege yetküzüsh bahaniside ularni béqindi ishlemchilerge yaki qul ishchilargha aylandurush bolup, déhqanlarni ularning musteqil igilikidin ayriwétip, qara ishchiliqqa sélishmu ene shuning bir misali iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet