Amérika prézidénti barak obama intérnét bixeterliki mesiliside xitayni agahlandurdi

Muxbirimiz irade
2015-09-17
Élxet
Pikir
Share
Print

Roytérsning xewer qilishiche, amérika prézidénti barak obama charshenbe küni söz qilip, xitay dölet re'isi shi jinping bilen bolghan uchrishishida otturigha qoyidighan muhim mesilining birining intérnét bixeterliki bolidighanliqini bildürgen. U sözide, intérnétning herqandaq bir dölet teripidin qarshi döletke hujum qilidighan qoralgha aylandurulmasliqi kéreklikini tekitligen.

U sözide mundaq dégen: "Amérika, xitay hökümitige hökümet we yaki uninggha qarashliq organlar teripidin intérnétta yürgüzülüwatqan sana'et, pen-téxnika jasusluqining en'eniwi istixbarat yighish chéhriliridin alliqachan halqip ketkenlikini qayta-qayta eskertti. Biz bundaq heriketlerning derhal toxtitishini telep qilimiz."

Obama sözi dawamida, eger xitay bu mesilige estayidil mu'amile qilip waqtida tedbir almisa, ikki dölet munasiwetlirige jiddiy qiyinchiliqlarni tughduridighanliqini we bundaq bir shara'it astida amérikiningmu qarshi tedbir alidighanliqini agahlandurghan.

Toluq bet