Җон кәрий америкиға қаритилған тор һуҗуми мәсилисини хитай билән үзлүксиз сөзлишидиғанлиқини билдүрди

Мухбиримиз җүмә
2015-08-12
Share

Америка дөләт ишлар министири җон кәрий америкиға қаритилған тор һуҗуми мәсилисини хитай билән үзлүксиз сөзлишидиғанлиқини билдүрди һәмдә хитай вә русийәниң униң елхәтлирини оқуватқан болуш мумкинликини оттуриға қойди.

У 11-авғуст кәчқурун америка CBS телевизийәсиниң бу һәқтики зияритини қобул қилғанда мундақ деди: улар өткән бир нәччә күндин буян америкиниң бир нәччә муһим нуқтилириға тор һуҗуми қилди. Шуңа уларниң мениң елхәтлиримни оқутуватқан болуши мумкинчиликини чәткә қаққили болмайду.

У йәнә хитай вә русийәни өз ичигә алған бир қисим дөләтләрниң америка һөкүмити вә америка ширкәтлиригә даим һуҗум қилип туридиғанлиқини тилға алди вә мундақ деди: биз бу мәсилисини йеқинда хитай билән өткүзүлгән сөһбәтлиримиздә интайин қаттиқ рәвиштә оттуриға қойдуқ.

У ахирида тор һуҗуми мәсилисиниң бу йил сентәбирдә америка президенти барак обама билән хитай рәиси ши җинпиң арисида өткүзүлидиған учришиштиму оттуриға қоюлидиғанлиқини билдүрди.

Йеқида америка федератсийә һөкүмити хадим башқуруш идарисигә қаритилған хитай мәнбәлик тор һуҗумида 22 милйонға йеқин америка һөкүмәт хадиминиң кимлик мәхпийәтликлири оғрилап кетилгән. Бу америка даирилирини интайин хапа қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт