Amérika istixbarat emeldari: xitay amérikigha qarita dawamliq tor jasusluq herikiti élip bériwatidu

Muxbirimiz erkin
2017-01-06
Share

Amérika dölet mudapi'e ministirliqi istixbarat ishxanisining bash diréktori jéymis klippérni öz ichige alghan amérika istixbarat organlirining 3 neper rehbiri peyshenbe küni amérika kéngesh palatasida guwahliq bérip, xitayning amérikigha qarita dawamliq tor jasusluq herikiti élip bériwatqanliqini bildürdi.

Jéymis klippérning qeyt qilishiche, xitay dölet re'isi shi jinping 2015‏-yili amérikigha qarita tor jasusluq herikiti élip bérishni toxtitishqa maqul bolghan bolsimu, emma béyjingning amérika hökümiti, amérika karxaniliri we amérikigha ittipaqdash döletlerning tor béketlirige qarita jasusluq herikiti toxtimighan.

Jéymis klippér, "Xitay hökümiti özining térror herikiti we iqtidarini dawamliq tertipke sélip we ixchamlap, téximu kesiplishishi, uninggha qarita teqib qilish we qayturma zerbe bérishni qiyinlashturdi" dégen.

Xitay re'isi shi jinping 2015‏-yili séntebirde amérikigha qilghan ziyaritide amérika hökümitining qattiq bésimigha uchrighan. U, prézidént obamagha wede bérip, tor jasusluq herikitini toxtitidighanliqini bildürgen idi.

Jéymis klippér peyshenbe küni, amérika dölet mudapi'e ministirliqi istixbarat idarisining qalghan ikki neper emeldari bilen birge, amérika kéngesh palatasi herbiy ishlar komitétida guwahliq bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.