Хитай һөкүмитиниң торни назарәт қилиш хизмитидә 2 милйондин артуқ адәм ишләйду

Мухбиримиз әркин
2013-10-04
Share

Хитай һөкүмити 2 милйондин артуқ адәмни ишқа селип, микро блог қатарлиқ електронлуқ алақә васитилиридики учур, мақалә, язмиларни назарәт қилидикән.

Б б с ниң хәвәр қилишичә, мәзкур учур "бейҗиң гезити" тәрипидин паш қилған. Назарәтчиләр микро блоглардики җамаәт пикрини топлап вә анализ қилип, юқириға йоллайдикән.

Хитай дунядики тор қолланғучилар сани әң көп дөләт болупла қалмай, тор дуняси әң қаттиқ контрол қилинидиған әл. Хитай һөкүмити һазирға қәдәр тор сақчи қисимлириниң көлими вә санини елан қилип бақмиған.

Бәзи көзәткүчиләрниң қаришичә, бу 2 милйон назарәтчи хитайниң зор көләмлик торни контрол қилиш қошуниниң бир қисми, халас.

Америкидики кишилик һоқуқ тәшкилати‏-әркинлик сарийи пәйшәнбә күни елан қилған йиллиқ доклатида, хитай аманлиқ органлириниң торни кәң көләмлик назарәт қилип, торда һөкүмәтни тәнқид қилғучиларни, охшимиған пикирләрни оттуриға қойғучиларни, уйғур вә тибәт тор қолланғучилирини бастуруп келиватқанлиқини тәнқид қилған иди.

Әркинлик сарийиниң билдүрүшичә, хитай һөкүмити торни қаттиқ контрол қилсиму, бирақ микро блог қатарлиқ електронлуқ учур васитилиридә хитай һөкүмитини тәнқид қилидиған пикирләр давамлиқ көпәймәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт