Xitay hökümitining torni nazaret qilish xizmitide 2 milyondin artuq adem ishleydu

Muxbirimiz erkin
2013.10.04

Xitay hökümiti 2 milyondin artuq ademni ishqa sélip, mikro blog qatarliq éléktronluq alaqe wasitiliridiki uchur, maqale, yazmilarni nazaret qilidiken.

B b s ning xewer qilishiche, mezkur uchur “Béyjing géziti” teripidin pash qilghan. Nazaretchiler mikro bloglardiki jama'et pikrini toplap we analiz qilip, yuqirigha yollaydiken.

Xitay dunyadiki tor qollan'ghuchilar sani eng köp dölet bolupla qalmay, tor dunyasi eng qattiq kontrol qilinidighan el. Xitay hökümiti hazirgha qeder tor saqchi qisimlirining kölimi we sanini élan qilip baqmighan.

Bezi közetküchilerning qarishiche, bu 2 milyon nazaretchi xitayning zor kölemlik torni kontrol qilish qoshunining bir qismi, xalas.

Amérikidiki kishilik hoquq teshkilati‏-erkinlik sariyi peyshenbe küni élan qilghan yilliq doklatida, xitay amanliq organlirining torni keng kölemlik nazaret qilip, torda hökümetni tenqid qilghuchilarni, oxshimighan pikirlerni otturigha qoyghuchilarni, Uyghur we tibet tor qollan'ghuchilirini basturup kéliwatqanliqini tenqid qilghan idi.

Erkinlik sariyining bildürüshiche, xitay hökümiti torni qattiq kontrol qilsimu, biraq mikro blog qatarliq éléktronluq uchur wasitiliride xitay hökümitini tenqid qilidighan pikirler dawamliq köpeymekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.