Xitay kompartiyisining 6 - qurultiyi mezgilide kishilik hoquq tor sahipliri tutqun qilindi

Muxbirimiz méhriban
2016-10-25
Élxet
Pikir
Share
Print


Xelq'ara taratqularning xewerliri we radiyomiz igiligen ehwallardin, 24 - öktebir béyjingda bashlan'ghan xitay kompartiyisining 18 nöwetlik 6 - omumiy yighini mezgilide, béyjingda bixeterlik tedbirliri kücheytilgenliki, ammiwi tor béketliride yighin toghriliq munazire qilmasliq agahlandurulghanliqi we kishilik hoquqqa a'it xewerler bérilidighan tor béket sahiplirining tutqun qilin'ghan yaki nazaret astigha élin'ghanliqi melum boldi.

Radiyomiz xitay bölümige kelgen inkaslardin melum bolushiche, ikki kündin buyan xitaydiki ündidar, ch ch salunlirida tor béket sahipliri we top bashliqliri tordashlarning yighin heqqide munazire qilishining cheklen'genliki toghriliq agahlandurushlarni bergen. Xitay kishilik hoquq tor béketliridin "4 - Iyun tori" sahibi xu'ang chi we "Puqralargha nezer" torning sahibi lyu féyyö ikkeylen yighin harpisida tutqun qilin'ghan.

25 - Öktebir radiyomizning ziyaritini qobul qilghan "4 - Iyun tori" pida'iyliridin pu féy ependining bildürüshiche, mezkur tor biket sahibi xu'ang chi 24 - iyun kech sa'et 9 din kéyin saqchilar teripidin élip kétilgen. Yene bashqa uchurlardin melum bolushiche, yighindin bir kün ilgiri yeni 23 - öktebir etigende "Puqralargha nezer" torning sahibi lyu féyyö dölet amanliqini qoghdighuchi saqchilar teripidin élip kétilgen.

Toluq bet