Президент трамп: "иранниң өзгиридиған вақти йетип кәлди"

Мухбиримиз әркин
2018-01-01
Share

Өткән һәптә иранда партлиған һөкүмәткә қарши кәң көләмлик намайишниң йеңи йил мәзгилидиму давам қилғанлиқи мәлум.

Бирләшмә агентлиқниң иран ахбарат васитилиридин нәқил кәлтүрүп хәвәр қилишичә, 31‏-декабир иранниң һәр қайси җайлиридики наразилиқ намайишлирида 10 адәм өлгән. Буниң билән намайиш партлиғандин буян өлгән адәм сани 12 гә йәткән. 200 Дин артуқ адәм яриланған. Хәвәрләрдә теһран, исфаһан, ғәрбий әзәрбәйҗан қатарлиқ районларда аз дегәндә 370 дин артуқ адәм тутқун қилинғанлиқи илгири сүрүлмәктә.

Америка президенти доналд трамп йеңи йилниң биринчи күни твиттер арқилиқ елан қилған баянатида, иранда өзгириш вақтиниң йетип кәлгәнликини билдүргән. Президент трамп баянатида "иран обама һөкүмити билән имзалиған бәрбат келишимгә қаримай, һәр җәһәттин мәғлубийәткә учримақта. Бүйүк иран хәлқи йиллардин бери бесим астида яшап кәлди. Улар ашлиқ вә әркинликкә моһтаҗ. Кишилик һоқуқ вә иранниң байлиқи булаң-талаң қилинмақта. Иранниң өзгириш вақти йетип кәлди," дегән. Буниңдин бурун ақ сарай иран хәлқиниң наразилиқ намайишини қоллайдиғанлиқини билдүргән. Ақ сарайниң баянатчиси сара хакаби сандрес "америка иран хәлқиниң тинч йоллар билән өзини ипадиләш әркинликини қоллайду. Иран хәлқиниң авазини йәткүзүшкә һәққи бар," дегән иди.

28‏-Декабир иранниң мәшһәд шәһиридә мал баһасиниң өрләп кетишигә қарши партлиған намайиш наһайити тезла иранниң башқа җайлириға кеңийип, мәмликәт характерлик наразилиқ һәрикитигә айланған. Иран президенти роһаний йеңи йилниң һарпа кечиси телевизийә нутқи сөзләп, "иран хәлқиниң иран һөкүмитигә наразилиқ билдүрүш вә тәнқид қилиш һоқуқи бар" лиқини билдүргән болсиму, лекин у һәрқандақ зораванлиққа сүкүт қилмайдиғанлиқини тәкитлигән. Чәтәл ахбарат васитилириниң билдүрүшичә, иран һөкүмити пуқраларниң фейсбук, твиттер, инстиграм қатарлиқ иҗтимаий таратқуларға киришигә чәклимә қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт