Президент трамп путин билән вйетнамда учрашқан

Мухбиримиз үмидвар
2017-11-12
Share

Америка президенти доналд трамп шәнбә күни вйетнам зияритини башлап, ханойда өткүзүлгән дөләт зияпитигә қатнашқан вә шу күни йәнә вйетнамдики бәзи җайларни зиярәт қилған болуп, у вйетнамниң қолға кәлтүргән нәтиҗилирини махтиған. Президент трамп, 12-ноябир күни ханойда вйетнам дөләт рәиси чән дайкуаң билән көрүшүп сөһбәт өткүзгән.

Америка авазиниң хәвәр қилишичә, президент трамп бу қетим йәнә вйетнамниң оттура қисмидики данаң шәһиридә өткүзүлидиған асия-тинч окян иқтисадий һәмкарлиқ йиғиниға қатнашқан болуп, бу җәрянда президент трамп русийә президенти владимир путин билән бир қанчә қетим ғәйрий рәсмий сөзләшкән.

Трамп вә путин шәнбә күни әтигәндә данаң шәһиридә қисқа учрашқан болуп, уларниң сөзлишишлиридә 2016-йили русийәниң америкиниң президент сайлимиға арилишиш мәсилиси вә сүрийә мәсилиси болғанлиқи қәйт қилинған. Хәвәрләрдә қәйт қилинишичә, икки президент сүрийәдики тоқунушни һәрбий йол билән әмәс, бәлки сиясий йол билән һәл қилишни муәййәнләштүргән. Әмма, илгирирақ, бу қетим президент трамп билән президент путинниң вйетнамда рәсмий көрүшүп сөһбәт өткүзүлидиғанлиқи вә трампниң шимали корейә кризисини һәл қилишта русийәниң қоллишини қолға кәлтүрүшни халайдиғанлиқиға аит учурлар оттуриға чиққан иди. Вәһаләнки, бу қетим трамп билән путин арисида рәсмий шәкилдики икки тәрәп сөһбити болмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт