Prézidént tramp putin bilen wyétnamda uchrashqan

Muxbirimiz ümidwar
2017-11-12
Share

Amérika prézidénti donald tramp shenbe küni wyétnam ziyaritini bashlap, xanoyda ötküzülgen dölet ziyapitige qatnashqan we shu küni yene wyétnamdiki bezi jaylarni ziyaret qilghan bolup, u wyétnamning qolgha keltürgen netijilirini maxtighan. Prézidént tramp, 12-noyabir küni xanoyda wyétnam dölet re'isi chen dayku'ang bilen körüshüp söhbet ötküzgen.

Amérika awazining xewer qilishiche, prézidént tramp bu qétim yene wyétnamning ottura qismidiki danang shehiride ötküzülidighan asiya-tinch okyan iqtisadiy hemkarliq yighinigha qatnashqan bolup, bu jeryanda prézidént tramp rusiye prézidénti wladimir putin bilen bir qanche qétim gheyriy resmiy sözleshken.

Tramp we putin shenbe küni etigende danang shehiride qisqa uchrashqan bolup, ularning sözlishishliride 2016-yili rusiyening amérikining prézidént saylimigha arilishish mesilisi we süriye mesilisi bolghanliqi qeyt qilin'ghan. Xewerlerde qeyt qilinishiche, ikki prézidént süriyediki toqunushni herbiy yol bilen emes, belki siyasiy yol bilen hel qilishni mu'eyyenleshtürgen. Emma, ilgiriraq, bu qétim prézidént tramp bilen prézidént putinning wyétnamda resmiy körüshüp söhbet ötküzülidighanliqi we trampning shimali koréye krizisini hel qilishta rusiyening qollishini qolgha keltürüshni xalaydighanliqigha a'it uchurlar otturigha chiqqan idi. Wehalenki, bu qétim tramp bilen putin arisida resmiy shekildiki ikki terep söhbiti bolmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet