Prézidént trump bilen prézidént putin téléfonda sözleshti

Muxbirimiz ümidwar
2017-01-29
Share

Amérika prézidénti donald trump bilen rusiye prézidénti wladimir putin shenbe küni tunji qétim téléfonda sözleshken bolup, mezkur ikki prézidéntning téléfon söhbiti alahide diqqet qozghidi.

Amérika awazining aq saray bayanati asasida bergen xewiridin melum bolushiche, prézidént trump bilen prézidént putinning téléfon söhbiti ikki döletning islam dölitige qarshi hemkarliship, küresh qilishqa we süriyeni öz ichige alghan halda dunyada tinchliqni qolgha keltürüshni kücheytishke a'it bolghan.

Ularning söhbiti bir sa'etkiche sozulghan bolup, putin yene trumpni prézidéntliq orni bilen tebrikligen.Xewerdin melum bolushiche, prézidént trump we prézidént putin bügünki téléfondin kéyin ikki terepning tézlikte térrorizmgha qarshi küresh we bashqa muhim mesililerge kirishish ümidini bildürüshken.

Putin bilen trumpning téléfon söhbiti rusiye jama'itini alahide qiziqturghan bolup, krimélmu bu söhbet heqqide uchur tarqatqan. Krimél terep putin bilen trump térrorizmgha qarshi küresh qilish we ottura sherqtiki weziyet, ikki terep soda-iqtisadiy munasiwetlirini eslige keltürüsh, iranning yadro programmisi, ukra'iniya weziyiti bashqa bir qatar témilarni muzakire qilghanliqini ashkarilidi.

Emma, xewerde amérikining rusiyege qaratqan iqtisadiy imbargonilirini bikar qilish mesilisige a'it uchur yoq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet