Prézidént tramp, Uyghur mejburiy emgek mesiliside "Ishning heqiqitige qarap heriket qollinimiz" dédi

Muxbirimiz erkin
2020-09-21
Élxet
Pikir
Share
Print

Amérika prézidénti donald tramp mejburiy emgek mesilisige qarita pozitsiyesining qattiq ikenliki, Uyghurlarni mejburiy emgekke sélish mesilisige qarita ishning heqiqitige qarap heriket qollinidighanliqini bildürgen.

Prézidént tramp bu sözlerni 18-séntebir yeni ötken jüme küni aqsarayning axbarat yighinida bir muxbirning bu heqtiki so'aligha jawab bergende qilghan. Amérika hökümiti ötken hepte Uyghur aptonom rayonida qullar emgikini ishlitip ishlepchiqirilghan yene bir türküm mehsulatlarni chekligenidi.

Aqsarayning axbarat yighinida muxbir "Sizning hökümitingiz xitay kompartiyesining shinjangda qullar emgikini ishletkenlikini seweb qilip, shinjangning pütünley mehsulatlirini cheklimigen bolsimu, lékin bir qisim mehsulatlirini cheklidi. Xitay kompartiyesining bayanatchisi, 'shinjangda mejburiy emgek yoq, bu pütünley yalghan' deydu. Buninggha sizning inkasingiz néme? ikkinchi, ittipaqdashlar buninggha diqqet qilidighanliqi, amérika bilen bir septe turup, xitay kompartiyesi zorlawatqan mejburiy emgekke qarshi heriket qollinidighanliqini bildürdimu?" dep sorighan.

Prézidént tramp: "Biz bundaq ehwalni körüshni xalimaymiz. Bizning bu jehettiki pozitsiyemiz intayin qattiq. Biz kelgüsi 2-3 kün ichide doklat tapshuruwélip, bu mesilining bash-axirigha qarita intayin toghra melumatqa érishimiz. Andin uninggha qarita heriket qollinimiz" dégen. Bu prézidént trampning hazirgha qeder Uyghurlar heqqidiki so'algha 2-qétim jawab bérishidur. U ilgiri: "Uyghur kishilik hoquq qanun layihesi" maqullan'ghanda bir qétim Uyghurlar heqqidiki so'algha jawab bergenidi. Amérika weten bixeterlik ministirliqining ötken hepte bildürüshiche, nöwette téximu keng da'irilik tedbirlerning qanuni analizi élip bérilmaqtiken.

Toluq bet