Америка президенти доналд тирамп әмди хитайдин айрилидиғанлиқи, униң билән сода қилмайдиғанлиқини ейтти

Мухбиримиз җәвлан
2020-08-26
Share

"йеңи таң дәври" таратқусиниң 23-авғуст бәргән хәвиридә ейтилишичә, америка президенти доналд трамп йәкшәнбә күни фокс теливизийиси мухбириниң зияритини қобул қилғанда америка иқтисадиниң әмди хитайдин айрилиши мумкинликини оттуриға қойған. У мухбирға: "биз хитай билән сода қилмисақму болувериду" дегән, андин хитайдин айрилиш мәсилиси тоғрулуқ соралғанда, "әгәр улар бизгә тоғра муамилә қилмиса чоқум шундақ қилимиз" дегән.

Бу йил 6-айда америка малийә министири стивен минучин әгәр хитай американиң ширкәтлирини хитайда әркин риқабәтлишишкә йол қоймиса, американиң хитай иқтисадидин чоқум айрилидиғанлиқини билдүргәниди. юқумлуқ кесәл вәзийити американиң сәһийә буюмлирини ишләпчиқиришта хитай карханилириға беқинип қалғанлиқидәк кризисни ашкарилиғандин кейин, америка бу буюмларни өзидә ишләпчиқиришқа башлған.

Трамп һөкүмити хитай һөкүмитиниң корона вирусини контрол қилиштики еғир хаталиқини, хоңкоңлуқларни бастурушини көп қетим әйиблигән, буниңға қарши тәдбир қолланған һәмдә бихәтәрликкә тәһдит селиватқан хитай карханилирини чәклигәниди. Президент доналд трамп бу йил 5-айда хитайни "вирусни йошуруп, униң пүтүн дуняға ямришиға сәвәб болди" дәп әйбләп, "америка хитай билән барлиқ алақисини үзүши мумкин" дегәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт