Amérika prézidénti donald tiramp emdi xitaydin ayrilidighanliqi, uning bilen soda qilmaydighanliqini éytti

Muxbirimiz jewlan
2020-08-26
Élxet
Pikir
Share
Print

"Yéngi tang dewri" taratqusining 23-awghust bergen xewiride éytilishiche, amérika prézidénti donald tramp yekshenbe küni foks téliwiziyisi muxbirining ziyaritini qobul qilghanda amérika iqtisadining emdi xitaydin ayrilishi mumkinlikini otturigha qoyghan. U muxbirgha: "Biz xitay bilen soda qilmisaqmu boluwéridu" dégen, andin xitaydin ayrilish mesilisi toghruluq soralghanda, "Eger ular bizge toghra mu'amile qilmisa choqum shundaq qilimiz" dégen.

Bu yil 6-ayda amérika maliye ministiri stiwén minuchin eger xitay amérikaning shirketlirini xitayda erkin riqabetlishishke yol qoymisa, amérikaning xitay iqtisadidin choqum ayrilidighanliqini bildürgenidi. Yuqumluq késel weziyiti amérikaning sehiye buyumlirini ishlepchiqirishta xitay karxanilirigha béqinip qalghanliqidek krizisni ashkarilighandin kéyin, amérika bu buyumlarni özide ishlepchiqirishqa bashlghan.

Tramp hökümiti xitay hökümitining korona wirusini kontrol qilishtiki éghir xataliqini, xongkongluqlarni basturushini köp qétim eyibligen, buninggha qarshi tedbir qollan'ghan hemde bixeterlikke tehdit séliwatqan xitay karxanilirini chekligenidi. Prézidént donald tramp bu yil 5-ayda xitayni "Wirusni yoshurup, uning pütün dunyagha yamrishigha seweb boldi" dep eyblep, "Amérika xitay bilen barliq alaqisini üzüshi mumkin" dégenidi.

Toluq bet