Доналд трамп: "корона вируси хитайниң хаталиқи, буниң бәдили еғир болиду"
Америка президенти доналд трамп корона вирусидин юқумлинип сақайғандин кейин ақсарайда бәргән тунҗи баянатида "вирус юқуминиң җавабкари хитайдур, у буниң бәдилини еғир төләйду" деди.
Доналд трамп 7-өктәбир күнидә тарқатқан видийолуқ баянатида "вирус билән юқумлиниш сизниң хаталиқиңиз әмәс. У хитайниң хаталиқи вә хитай бизниң дөлитимизгә қилғанлири үчүн зор бәдәл төләйду. Улар дуняға қилғанлири үчүн зор бәдәл төләйду. Бу пүтүнләй хитайниң хаталиқи" дәп тәкитлиди.
Доналд трамп сөзидә йәнә, өзини давалап сақайтишта синақ қилип ишлитилгән дориларниң барлиқ америкалиқларға охшаш ишлитилидиғанлиқини вә у дориларниң пүтүнләй һәқсиз болидиғанлиқини ейтти.
Америка президенти доналд трампниң хитайдин тарқалған корона вируси билән юқумланғанлиқи елан қилинғандин кейин иҗтимаий таратқуларда хитай пуқралириниң хушаллиқ тәнтәниси қилип, трампниң юқумланғанлиқини тәбриклигәнликигә даир көрүнүшләр тарқалған. Бу вәқә коммунист реҗими астидики хитай пуқралириниң роһий сағламлиқи һәққидә муназириләрни пәйда қилғаниди.
- Америкилиқ мухбир әмиля паң: "мән уйғурлуқумни кечикип һес қилдим"
- Бир нативан иди, қәһриман болди
- Арафат әркин: "дадам мәҗбурий сөзлитилгән, хош болғиним у техи һаяткән"
- Ширзат бавдун билән "миллий мустәқиллиқни пиланлиған" лиқи ейтилған таһир аббас: "ширзат бавудун билән һечқачан көрүшүп бақмидим"
- Адриян зенз: хитайниң гүлчеһрәни терорлуққа четип әйиблиши диққәт қозғашқа тегишлик йеңи тәрәққият
